І сказаў ім анёл: ня бойцеся; я ўзьвяшчаю вам вялікую радасьць, якая будзе ўсім людзям:
бо сёньня нарадзіўся вам у горадзе Давідавым Збаўца, Які ёсьць Хрыстос Гасподзь;
і вось вам знак: вы знойдзеце Дзіця ў пялюшках, Яно ляжыць у ясьлях.
І раптоўна зьявілася з анёлам шматлікае войска нябеснае, славячы Бога і заклікаючы:
слава ў вышынях Богу, і на зямлі мір, і ў людзях добрая воля.

(Святое Дабравесьце паводле Лк, 2:9-13)

Улюбёныя сябры, браты, сёстры!

Напярэдадні светлага свята Нараджэння Ісуса Хрыста хочацца звярнуцца да ўсіх, перасягаючы межы традыцыйнага хрысціянскага звароту “браты і сёстры”. Бо менавіта так прамаўляе да нас Гасподзь праз Анёла:
“Я ўзьвяшчаю вам вялікую радасьць, якая будзе ЎСІМ ЛЮДЗЯМ”.